【期匯決算】加元隨時轉勢要小心

【Now財經台】受美伊戰爭影響，外匯市場暫時都係窄幅波動為主，加元近日表現較為突出，已連升多日，加元有咩支持因素？後市係咪可以繼續睇好？

獨立外匯商品分析師盧楚仁表示，分析加元時，好多時都會用能源、油價、天然氣嚟判斷，而油價最近一度急升，但當時加元就不升反跌，反而利好咗美元，市場預期，美國聯儲局短期內未必可以減息，就算能源出口大國之一嘅加拿大，加元都要受壓，由於油價近期回落，美元就跟住跌，帶挈加元反彈。

此外，加拿大係全球數一數二嘅天然氣出口大國，開戰後，天然氣價格持續急挫，亦係拖低加元其中一個元兇。

Jasper又認為，近期美元轉弱會有利加元，但亦唔代表一面倒睇好加元後市，更唔排除美元稍後回勇，加元又再急挫，所以宜睇定啲先。