【環球金融快線】炒Allbirds轉型暫宜「眼看手勿動」

【Now財經台】環保鞋品牌Allbirds決定賣走鞋類業務，並簽咗一份5000萬美元可轉換融資協議，用嚟收購高性能圖形處理器(GPU)，集團將會轉型為人工智能(AI)算力服務供應商，並會改名NewBird AI。Allbirds過去5年收入僅介乎1億至2億美元，並持續蝕錢。Allbirds公布呢個消息當日，股價單日暴升幾倍，昨晚(16日)收市就重挫逾35%，投資者應該點部署？

獨立分析師黃耀宗認為，投資者要繼續留意Allbirds今次業務轉型係咪真係會成功，同埋前景吸唔吸引，喺呢個時候掟5000萬美元收購高性能GPU，投資唔算好大，所以喺投資者角度睇，呢個憧憬似乎都係爭啲，甚至喺呢一刻冇太多嘢可以計到數，因此，暫時宜「眼看手勿動」。

Andy又話，如果投機者純粹想炒作下，例如動能炒作，又或者係風險愛好者，當係賭一局，可能有另外嘅睇法。