【期匯決算】美元短期難扭轉弱勢

【Now財經台】市場憧憬美伊延長停火協議，投資氣氛持續好轉，其中，美股標普及納指已收復開戰後失地，並創新高，亞股方面，日股及台股今日(16日)齊破頂，美匯指數有冇機會開戰前，或2月底嘅水平？

獨立外匯商品分析師譚家康表示，依家美元走勢係反映市場對息口走向嘅睇法，美伊戰事影響反而冇咁大，又認為戰事對投資市場市場嘅影響已愈嚟愈細。

佢又話，雖然美股3大指數回升，但油價持續高企，依家喺90美元水平，相對於年初仍升咗好多，導致美國通脹升溫，美國出咗3月消費物價指數(CPI)及生產者物價指數(PPI)後，市場都覺得美國聯儲局唔會減息，甚至有預測指全年都唔會減，相反，歐洲已預期會加息，呢啲因素都令美元跌咗落去。

Pierce又指，即使聯儲局新主席上台後，會跟隨美國總統特朗普(Donald Trump)想法，但都好難喺冇足夠理據及通脹反彈下減息，因此，佢相信美元會持續弱勢，美匯指數有機會考驗97水平。