【名家給力場】內地通縮問題有改善

【Now財經台】內地3月生產者出廠價格指數(PPI)扭轉41個月跌勢，按年轉升0.5%，全國居民消費價格指數(CPI)就連升6個月，今朝(16日)就出咗第1季國內生產總值(GDP)，按年增長5%，高過預期，點分析內地一系列經濟數據？

資深銀行家劉卓衡指，雖然數字比預期好，不過，GDP係由好多數據組成，如果可以達到內地消費更強勁嘅期望，咁出口就唔需要好似以往咁強勁，因為一旦出口錄得巨大貿易順差，就會影響唔少國家之間嘅關係，加上整個3月都打緊仗，唔排除數據已局部反映戰爭因素。

零售方面，劉卓衡提及，雖然數字唔算太靚，但信心明顯大咗，CPI及PPI錄得正增長係好事，過往一直擔心嘅通縮問題，依家最少見到有改善跡象，雖然唔係直接釋除到通縮憂慮，但仍然係一個正面訊號，而相對其他國家，今次中東戰事對中國嘅影響較細，抗震力亦高。