【槓桿致勝】想CALL長飛光纖點揀好？

【Now財經台】長飛光纖光纜(06869)股價今朝(16日)先跌後升，一度倒升逾5%，高見217元，好倉都有資金追捧，5日合計，有1130萬元坐貨，股價近日見過上市高位245.8元後，反覆向下，依家喺10天線上落，現時長飛光纖只有CALL輪，如果只考慮價外條款，有咩條款可以選擇？

法巴上市衍生產品部銷售及市場推廣主管李梓維指，長飛光纖股價最近跟隨人工智能(AI)浪潮升，選擇CALL輪純粹想攞短線槓桿，依家市場上嘅價外條款，可以考慮行使價約300元，今年9月至10月到期，實際槓桿做到2倍至3倍嘅條款，雖然槓桿唔算高，但受引伸波幅及時間值損耗影響較細。