【期匯決算】金價先睇4960美元

【Now財經台】金市繼續觀望美伊戰局發展，金價近日兩度重上每盎司4800美元，但之後未能再突破，短線仲有冇上望空間？

明德特約分析師鄭廣復表示，短線會睇淡金價，早前衝上5600美元後出現回調，出現一個較大嘅下降幅度形態，亦受息口因素影響，由於現階段減息空間唔大，美國聯儲局暫停減息後，投資者會選擇冇息產品黃金，還是買美債收息，都係一大考慮因素。

Patrick又話，金價短線喺5000美元有頗大阻力，睇返技術走勢，50天線係一個大技術位，有機會抽高少少，上試4960美元，甚至掉頭跌穿4000美元再企穩，預期金價下半年會喺4000美元至5000美元上落。