【環球金融快線】買費城半導體指數宜等一等

【Now財經台】費城半導體指數(SOX)過去1周氣勢如虹，周一(13日)再創歷史新高，今年以嚟累升近30%，預測市盈率(PE)已升至42倍嘅歷史高位，相比投資軟件股，買費城半導體指數係咪較划算？

獨立市場策略師何啟聰表示，由於美股市場傾向大舉撤走具隱憂嘅板塊資金，導致軟件股下跌，短期內就算有反彈都只係幾日貨仔。佢又指，近期CPU供應短缺，唔少供應商嗌加價，分析員將會重估相關企業盈利增長，有機會下調PE。

至於幾時係入手時機，Ivan就話，SOX由3月31日起步，已連升好多個交易日，所以投資者唔好貿貿然衝入去，可以先等一等。佢續指，Open Claw應用落地後，Token消耗量增加，科企亦繼續擴大人工智能(AI)數據中心計劃，對各項算力及算力相關硬件需求持續，所以成個趨勢仍比較樂觀。