【FINTERVIEW】股市唔等停戰已見底？(上)

【Now財經台】第2季啱啱開局，地緣局勢不斷變化，市場繼續喺美伊局勢中搖擺，情況已持續超過1個月，但戰事仍未能解決，雖然股市似乎已消化部分負面影響，近期有少少反彈，但呢個情況可以持續幾耐？

StashAway投資總監梁穎瑩指，過往嘅統計顯示，地緣政治衝突對市場嘅衝擊都比較短暫，對油價只係一個短暫刺激，當不確定性去到最頂點時，戰爭未必需要完全解決，市場已經見底，雖然雙方嘅談判過程漫長，但只要落實進行談判，就可以掃除唔少不確定性，「埋枱傾」對市場嚟講係一個幾大嘅催化劑。

Stephanie又話，上世紀70年代曾出現滯帳(Stagflation)，當時油價高企，石油供應緊拙，雖然油價依家上升，但有別於以往供應不足，依家最大困擾只係運輸出咗問題，因此，市場普遍繼續向前看，會留意一啲新催化劑，例如人工智能(AI)、美國經濟等，尤其美國通脹未有上升趨勢，若之後有更多運油船可以啟航，估計油價好快會回落至每桶50美元至60美元，對美國經濟影響唔大。