【名家給力場】Netflix周五放榜要留意4樣嘢

【Now財經台】美股企業繼續派成績表，Netflix將會喺周五(17日)出第1季業績，雖然收購華納兄弟探索(Warner Bros. Discovery)畀人截咗糊，但就攞到一筆28億美元嘅違約金，隨著收購陰霾消退，Netflix股價係咪可以重拾上升動力？點睇集團基本面，上季業績有咩焦點要留意？

資深投資者莫家強指，Netflix之前嘅收購計劃產生好多不確定性，令市場感到不安，依家股價跌到歷史低位，無疑係係一個非常吸引嘅水平。佢又指，現時對金融市場最大影響係中東戰事，就算戰事結束，可能又輪到關稅戰，但Netflix業務唔受呢兩個因素影響，係集團優勢之一，不過，投資者都要留意Netflix業務可唔可以持續增長，會唔會做回購，同埋有冇機會加價及業績指引。

Alex續指，Netflix收入多元化，除咗訂閲月費收入，仲有廣告收入，同傳統電視台唔同，Netflix節目量更大，可以加插廣告嘅時間及次數更多，呢個係公司嘅「護城河」，加上Netflix管理層執行力強，識得因時制宜，改變business model增加收入。

佢表示，對Netflix前景感到樂觀，如果業績見到增長，呢隻股票適合長揸。