【環球金融快線】高盛靚績有個「致命位」

【Now財經台】高盛(Goldman Sachs)今年第1季收入按年增長14%，純利就按年增長18%，每股盈利亦高過市場預期，不過，股價昨晚(13日)一度挫約4%，今年以嚟嘅升幅已「化灰」，明明業績唔差，但股價仍被質低？

iFast Global Markets副總裁溫鋼城表示，高盛股價近兩日都炒上，其實已貴咗，同埋已補返早前美國總統特朗普(Donald Trump)突然宣布停火時嘅裂口，不過，呢份業績有個致命位，就係撥備高達3億美元，遠超市場預期嘅1.5億美元，令投資者擔心集團嘅私募信貸問題。

佢又話，集團人工智能(AI)研發及興建數據中心已經用咗好多錢，加上壞帳問題，金融機構嘅投資回唔回到本，甚至賺唔賺得返都係未知之數，就令市場信心動搖，繼而沽貨推低股價。