【環球金融快線】打仗期間要避開亞股？

【Now財經台】受中東戰火波及嘅霍爾木茲海峽(Straits of Hormuz)，估計現時有逾800艘船等候通過，市傳伊朗向運油船收「買路錢」，每桶原油要畀1美元，並要用比特幣(Bitcoin)找數。據國際能源署(IEA)統計顯示，每日受阻嘅逾2000萬桶石油中，逾80%係輸往亞洲。亞洲幾個主要股市，包括日本、南韓、A股及港股，戰市開打至昨日(9日)收市止，表現都差過美股，係咪反映戰事期間要避開亞股？

獨立分析師黃耀宗指，呢幾個市場嘅估值已經唔係平，投資者趁戰事順勢殺估值，加上美國喺能源方面可以自給自足，對比亞洲區有咁多國家或地區需進口大量石油，成本一定較高，再加上亞洲區喺呢場戰事面對嘅風險相對高，所以當氣氛變差，回落幅度就會較大。

但Andy相信，亞股會唔會再跌好視乎環球氣氛，但喺宏觀面下，一啲能源國家如印度、南韓就建議減持，但毋須完全避開。