【期匯決算】金價難升穿5100美元

【Now財經台】美伊公布停火協議後，現貨金價反彈，係咪反映市場對美伊可以傾掂數仍有戒心？金價呢輪升浪係咪已去到尾聲？

獨立外匯商品分析師譚家康表示，對金價走勢悲觀，以國際局勢分析，美伊戰事最壞情況已經出現，以色列攻打黎巴嫩被質疑違反停火協議，伊朗再次封閉霍爾木兹海峽(Starits of Hormuz)，暫時睇嚟地緣政治較難再進一步變差，佢又認為，即使金價反彈，最多只能上到每盎司4900美元水平。

Pierce估計，金價會喺4600美元至5100美元上落，但要升至5100美元難度好高，又認為未到呢個水平已經會掉頭，一旦跌穿4600美元，應該會調整得更深。