【名家給力場】誰是美伊戰事爭得益者？

【Now財經台】美國總統特朗普(Donald Trump)日前宣布，暫停針對伊朗嘅軍事行動兩周，大前提係對方重開霍爾木茲海峽(Straits of Hormuz)，雙方計劃周五(10日)喺巴基斯坦首都伊斯蘭堡進行談判，係咪真係停戰在望？戰事期間，Trump不斷話會加強軍事行動，但最終又臨門縮沙，令金融市場大幅波動，TACO Trade操作有咩要留意？中國喺呢場美伊戰事中有冇得益或收穫？

思博資本高級合夥人張宗永指，TACO Trade有一定真確性，以中美關稅戰為例，當中方態度強硬，Trump就會放軟，但不尋常係，市場day in day out嘅波幅太誇張，反應非常單邊，今日話唔打就升，聼日話加強軍事行動就跌，單純炒即日嘅軍事消息，然後炒家借勢做盤，技術上來看，買盤都非常強勁。

至於中長缐操作，佢就話，最明顯係Alternative Engery肯定會復甦，俄烏戰事係一個誘因，今次美伊戰爭都係一個誘因，推動歐洲國家大建核能。

張宗永續稱，近期歐洲各國政商代表都先後訪華，今次美國嘅軍事行動畀咗個契機中國，提升佢嘅國際聲望。