【環球金融快線】大鱷吞環球音樂有風險？

【Now財經台】對沖基金巨頭兼億萬富豪阿克曼(Bill Ackman)建議透過旗下一家「特殊目的收購公司」(SPAC)，併購音樂龍頭環球音樂集團(Universal Music Group，UMG)，交易估值高達557億歐元，佢認為，UMG旗下有Taylor Swift、Kendrick Lamar、Bad Bunny等藝人，但因集團管理不善，令股價持續低迷，阿克曼有信心改造UMG令股東受惠，點睇呢單Deal？

資深經濟師羅家聰表示，收購音樂巨頭嘅交易唔多，如果飲到「頭啖湯」兼做出成績，真係有可能打出一片新藍海。不過，呢單Deal最終係咪有高回報仍然係未知之數，但認為會有風險，主要係音樂唔係必需品，好多時呢類公司嘅營收好難預測，呢類生意可唔可以為公司帶嚟利潤，亦好視乎買家品味及掌唔掌握到社會風氣，所以好難單方面地評價呢單收購嘅利弊。

KC續指，如果傳統音樂公司仍維持舊有運營模式，盈利前景唔會被睇好，至少要做一啲整合，去改變平台性質。