【環球金融快線】想曲線投資Open AI有咩門路？

【Now財經台】OpenAI最新完成了一輪1220億美元融資，其中，亞馬遜(Amazon)出資500億美元、英偉達(Nividia)及軟銀(SoftBank)各投入300億美元，值得留意係，今次係OpenAI首次透過銀行渠道，向個人投資者集資，連同其他投資者，合共集資逾1200億美元。現時散戶唔可以做OpenAI股東，買高息人工智能(AI)交易所買賣基金(ETF)係咪其中一個門路？

資深經濟師羅家聰指，喺AI狂熱下，好多公司聲稱主打AI，但其實唔少係渾水摸魚，但佢認為，業務係咪主打AI嘅公司，同一般科企分別唔大，重點反而喺要睇市場情況，長線一定睇好AI，但短線就有唔少不確定性，佢認為，現時唔係做呢類投資嘅好時機。

KC提醒，由於中東戰事發展仍然唔明朗，想博短線有回報嘅投資者宜忍一忍手。