【期匯決算】澳元第2季隨時下試0.67

【Now財經台】澳元喺第1季初期走強，但隨著中東局勢升溫推高通脹，環球央行隨時有加息壓力，變相削弱澳元嘅息差優勢，點睇澳元第2季走勢？繼澳洲央行之後，邊家央行最大機會加息？

1uptick Analytics 首席分析師杜浩霆認為，澳元喺第1季收尾收得好差，澳元季初強勢主要受惠於澳洲央行連環加息，同埋中國經濟向好，不過，依家油價高企，市場炒環球經濟開始放緩嘅風向，因為伊朗封鎖霍爾木兹海峽(Strait of Hormuz)威脅到亞洲能源供應，令中國經濟不確定性增加，繼而令澳元失去支持。

技術走勢方面，Perry就話，澳元上周四(26日)已跌穿關鍵支持位，即0.695，估計4月或第2季較難出現強勁反彈，現時更有機會落到前低位，即0.67水平。

央行加息方面，佢認為，如果通脹喺第2季反彈，就要小心歐洲央行有動作，雖然日本央行都有機會加息，但當地經濟較差，所以未必會喺依家出手。