【槓桿致勝】泡泡瑪特博反彈CALL/牛仔點揀？

【Now財經台】泡泡瑪特(09992)業績後股價連日受壓，暫時已連跌第5個交易日，股價今早(31日)高開後，好快已掉頭向下，一度挫近5%，低見141.4元，泡泡瑪特係昨日(30日)最多資金流入嘅個股，依家係咪好多資金部署博反彈？

中信證券國際股權衍生品銷售經理李碧珊指，泡泡瑪特股價已由2月高位累計回調逾40%，都跌得幾急，過去4個交易日持續有資金流入好倉博反彈，CALL輪方面，呢兩日上市嘅條款有較貼價嘅選擇，行使價介乎180至200元，今年9月至10月到期，槓桿約3至4倍。

Percy又話，如果想追求更高槓桿，可考慮收回價120至130元嘅牛證，槓桿做到5倍至7倍，投資者可因應個人對槓桿嘅需求，或對收回風險嘅接受程度做決定。