【期匯決算】油價未跌夠？

【Now財經台】美國總統特朗普(Donald Trump)話，伊朗送咗一份同霍爾木兹海峽(Strait of Hormuz)有關嘅大禮，亦市傳美國已向伊朗開出15項停火條件。不過，昨日(24日)美國財政部拍賣2年期國債反應唔好，債息今日(25日)又冇大幅回落，係咪反映債市對美國同伊朗短期內傾掂數，雙方可以停火唔樂觀？

外匯策略專家張建泰表示，美債唔再係避險資產，呢個時候唔應該買債，因為有通脹風險，美國聯儲局今年亦可能掉頭加息，所以投資者仍持觀望態度。長債方面，依家美國追加2000億美元軍費預算，令國防開支愈來愈大，買債好難對冲到依家嘅風險。

Ken又話，即使美伊傾掂部分停火協議，但亦好難確定持續到幾耐，現時伊朗群龍無首，唔知邊個可以話事，而特朗普曾試過喺和談時空襲伊朗，而以色列想唔想停戰亦係一個疑問，喺咁多因素疊加之下，將油價由每桶60美元炒上120美元，就算升幅「腰斬」仍錄得顯著升幅，所以通脹好難喺短期内解決，佢估計，油價仍有下跌空間，但較難重返年初時水平。