【期匯決算】油價有機下試84美元

【Now財經台】國際油價近期走勢波動，倫敦布蘭特期油昨晚(23日)暴跌10%後，今日(24日)略為回升，紐約期油亦反彈至每桶90美元水平，油價未來會點行係咪繼續要睇美國有咩行動？

1uptick Analytics首席分析師杜浩霆指，美國喺過去10年已經係石油出口國，所以油價愈高，美國能源企業愈賺錢，而市場對中東戰事都冇之前咁著緊，而喺美國總統特朗普(Donald Trump)突然宣布延遲5日攻擊伊朗能源設施後，見到一啲獲利平倉盤及沽盤出咗嚟。

Perry又話，過去幾周，油價都出現「周末前衝高、周一高位回調」嘅模式，紐油之前一直喺92美元至100美元橫行，但最新已跌穿92美元呢個重要支持位，未來幾日要睇有冇新風險因素出現，若局勢再轉趨緊張，油價上返92美元以上，先可以繼續喺呢個區間，如果上唔返92美元，油價好大機會進一步調整，有機會下試84美元水平，投資者可留意戰事係咪一如特朗普所講，將會喺4周內結束，如果真係停戰，油價調整幅度或比想像中更深。