【全民打新】華沿機器人夠底氣可入飛抽？

【Now財經台】華沿機器人(01021)今日(20日)開始招股，預期喺3月30日掛牌，集團主要業務係研發及產銷工業自動化嘅協作機械人，例如機械臂等，值得留意係，早前做類似業務嘅埃斯頓(02715)，股價上市至今仍然要「潛水」，點睇華沿機器人呢隻新股？上市後會唔會步埃斯頓後塵，即股價持續冇運行？

Blue Water Capital投資總監李澤銘指，雖然內地機械人業務規模較大，但競爭對手亦比較多，加上現時內地組裝機械人嘅廠商超過100家，工信部曾發過預警，要小心機械人產業有泡沫，所以做機械人業務嘅股份都要逐隻睇，例如睇公司背後嘅核心技術，只係單純買零件拼湊組裝，還是有上游業務，公司有冇專利等。

Alan續指，華沿機器人呢方面嘅儲備較豐富，加上係由上市公司大族激光分拆出嚟，精準定位方面嘅技術積累較濃厚，加上公司係下游廠商，包括半導體、晶片等製造商，不論技術及穩定性嘅要求都較高。

業務發展方面，似乎華沿機器人喺未來一段時間，滲透率有望逐步提升，相信收入及業務增長都會較快速，所以華沿機器人都算有一定吸引力。