【中國建設銀行(亞洲) 呈獻:FINTERVIEW】內地零售今年開個好頭(上)

【Now財經台】內地今年首2個月嘅主要經濟數據好過預期，其中，零售總額按年增長2.8%，高過市場預期嘅2.5%，算唔算有驚喜？如果中東戰事持續，會對通脹有幾大影響？

東亞銀行首席經濟師卓亮表示，數字比預期理想，其中1個因素要睇春節假期影響有幾多，理論上按年比較嘅額外影響唔係太大，不過，今年春節假期日數比之前多，旅遊、物流數字都反映消費增長唔錯，可以話今年零售喺頭兩個月開咗個好頭。

佢又話，內地過去幾年，基本上整體物價相對平穩，若中東戰事持續一段長時間，將會令全球大宗商品或能源價格上升，到時內地通脹無可避免有上升壓力，雖然名義上零售銷售或有正面數據反映，但居民實質購買力仍有一定掣肘。