【智識賺】Kraken獲Fed主帳戶有咩啟示？

【Now財經台】加密貨幣交易所Kraken旗下Kraken Financial，獲准開立美聯儲主帳戶(Federal Reserve master account)，成為美國史上首家獲得這個資格嘅數字資產銀行，呢個係咪一個重要里程碑？對整個行業有咩啟示？

亨達虛擬資產及財富管理董事總經理鍾駿指，市場一直關注美國嘅法案，點樣融合現有銀行系統及新型加密貨幣(Crypto)公司，而美國Clarity法案已推遲咗幾次，依家仍然喺國會傾緊，雖然相關法案仍未通過，但美國政府已經批出銀行牌照畀Crypto公司，以及容許公司開立戶口，用緊美元兌換嘅投資者，唔使再畀中間銀行抽水，減省交易手續費等，令市場覺得加密貨幣行業有進展。