【名家給力場】戰火下美股勁Chok唔易駕御(上)

【Now財經台】中東戰事持續，美國總統特朗普(Donald Trump)更聲稱稍後會向伊朗，發動真正及大規模攻擊，投資者亦擔心戰事會拖長，亞洲股市今日(4日)爆發小股災，其中，南韓股市曾暴瀉逾12%，恒生指數一度插穿25000關，暫時投資市場都係跟住戰事發展及消息走，美股昨晚(3日)都一度重挫，道指曾瀉過千點，而油價就繼續係贏家，金市及股市都好Chok。

「股市漁夫」創辦人莊志雄指，1月時已經講過，1月個市應該係OK，但2月之後就要小心，當時有好多人睇淡美元，其實都講過好多次美元似乎唔肯跌，同埋喺特朗普第1及第2次任期，頭280個交易日都係跌，但到某個時間就會升，而暫時都係咁，一升好多股市都會受壓，尤其是新興市場。

Lewis又話，3月開局當然係差，全球股市都要跌，新興市場相對跌得多，而之前升得勁嘅市場，例如南韓股市。佢續指，如果由2月開始計，金價升完再跌返落嚟，仍有約4%升幅，美元及美債都係升，所以2月係話畀市場知有人部署緊，而2月已經有Risk Off嘅跡象，因為...