【期匯決算】美匯指數重上100要睇就業數據

【Now財經台】市場繼續關注地緣局勢變化，避險需求仍然係金融市場大主題，美匯指數連續第2日企喺99以下，伊朗問題應該好難喺短期內解決。美國前財長及聯儲局前主席耶倫(Janet Yellen)直言，中東局勢緊張只會令局方更唔願意減息，美元係咪會開始逐步轉強？美匯指數重上100嘅機會係咪愈來愈大？

1uptick Analytics首席分析師杜浩霆指，暫時美元係咁多避險資產之中最強勢，金價及油價昨日(2日)早段升咗上去之後要跌返落嚟。

佢又話，除咗中東戰事，通脹係另一個撐住美元嘅因素，美國2月ISM製造業指數升上3年半高位，反映中東開戰前，其實美國通脹已經反彈，加埋耶倫嘅言論，短期都會令美元走強。杜浩霆續指，如果美國下周出爐嘅非農數據差，美元有機會突破阻力，重上100水平。