【名家給力場】特朗普打伊朗增對華談判籌碼？

【Now財經台】美以空襲伊朗繼續係全球焦點，美國總統特朗普(Donald Trump)聲稱呢場戰事可能要打4至5周，更唔排除派出地面部隊，伊朗亦有連串報復行動，包括揚言會攻擊所有企圖經過霍爾木茲海峽嘅船隻，導致運油輪紛紛「兜路行」，如果呢場仗真係打幾個星期，原油供應一定有影響，對比去年6月以色列襲擊伊朗有冇分別，擴散風險高唔高？此外，中國一直以進口原油為主，事件會唔會拖累製造業？

資深經濟分析師羅家聰指，依家只得返零星伊朗勢力垂死掙扎，相信美國好快會「解決」，所以市場唔會有太大反應。佢又話，雖然油價高企，但比特幣(Bitcoin)、美元及美債息僅輕微波動，紐約天然氣價格更加冇反應。

KC又話，中國原油主要來自中東地區，中國短期要用國際價買油或會造成財政負擔，但相信中國嘅外匯儲備足以應付。依家美國間接控制委內瑞拉及伊朗呢兩大產油國，之後同中國傾稀土會更容易。