【期匯決算】點解資金揀美元避險？

【Now財經台】中東戰事愈演愈烈，市場嘅避險情緒不斷升溫，但今次資金嘅避險選擇似乎有啲唔同，美元轉強，美匯指數迫近98水平，日圓就偏弱，點解今次資金會揀美元避險？

ATFX亞太區首席分析師林銘添指，市場普遍擔心今次呢場戰事會有動用核武嘅可能，所以喺眾多地緣政治事件中，市場對今次呢場涉及以美伊嘅戰事敏感度最高，反應亦最大，而美國喺呢場戰事中扮演主導角色，令美元嘅避險地位轉強。

Martin表示，伊朗喺中東地區影響力巨大，如果美國今次成功攻佔伊朗，將進一步鞏固美國作為「國際警察」嘅身份，國際地位將進一步提升，到時全球政經局勢都會出現變化，美元地位亦會有所提升，正正因為呢個原因，市場依家高度關注今次事件，並睇好美元走勢。