【期匯決算】韓圜有機追落後

【Now財經台】《彭博》亞洲貨幣指數升上逾1年高位，韓圜兌美元今年升咗約0.8%，但仍跑輸其他主要貨幣，有分析認為，主要受資本外流、政治不穩、關稅風險等因素影響，南韓央行今日(26日)公布議息結果，已連續第6次會議維持利率不變，韓圜會唔會繼續跑輸？

1uptick Analytics首席分析師杜浩霆指，前兩年南韓政局動盪，令唔少資金流出當地股市，Perry形容依家嘅情況，同之前港股強勢時相似，都係靠外面資金流入港股，再推高港元，現時有唔少外資流入南韓股市，佢又話，如果人工智能(AI)繼續熱炒，韓圜有機會繼續走強，追返過去2年嘅落後。