【名家給力場】全球貿易續受關稅陰霾困擾

【Now財經台】美國總統特朗普(Donald Trump)對等關稅(Reciprocal Tariffs)被最高法院裁定違法，特朗普政府講明唔會就此罷休，會用其他方法力圖繞過國會，繼續向全球加徵關稅，係咪為環球貿易帶嚟更大不明朗因素？

思博資本高級合夥人張宗永指，市場反應平淡，未有出現大起大落嘅情況，因為大家都預咗，即使法院唔通過，以特朗普嘅行事作風，一定會左摷右摷，搵另一條路繼續徵收關稅，另一方面，受關稅影響嘅美國商家又話要告政府，令全球貿易持續受關稅戰不明朗因素困擾。

佢又提及，基本上美國政府屬於強勢，拳頭有幾硬，就可以爭取到幾多利益，而唔少國家已接受同關稅共存，所以未必願意再由頭傾過，依家市場只希望關稅問題盡快解決。