【槓桿致勝】滙控績後部署CALL/PUT？

【Now財經台】滙豐控股(00005)今日(25日)放榜，股價喺業績前輕微高開後，走勢反覆，如果想博績後有炒作，係咪應該揀較短身嘅CALL？例如今年5月到期，價外約10%，槓桿12倍至13倍，呢類CALL係咪最多肉食？

中信證券國際股權衍生品銷售經理李碧珊指，如果公司喺股價高位出業績，市場擔心有借勢回套風險，加上由去年4月開始，滙控股價已累計升近80%至90%，所以資金喺業績前，尤其係好倉都傾向先行離場。

Percy又指，不論係CALL或PUT，滙控引伸波幅一向相對較低，約30%，因此，投資者好容易以小博大，去博高槓桿。產品方面，價外約5%至6%嘅CALL較熱門，今年9月到期，槓桿約7至8倍，另外，本身持有滙控正股，又唔想業績前沽貨嘅投資者，Percy建議用PUT輪做對沖，條款上輕微價外，中長年期，槓桿做到約6至8倍。