【環球金融快線】IBM未跌夠想執平貨再等下

【Now財經台】Anthropic宣布旗下人工智能(AI)模型Claude Code嘅工具，新增自動更新通用商業導向語言(COBOL)功能，依家Claude Code係美股國際商業機器(IBM)嘅主要收入來源，若Claude Code可自動更新COBOL，意味IBM會失去市場份額，消息一出，IBM股價周一(23日)急瀉逾13%，但昨晚(24日)開始回穩，依家係咪趁低買入嘅好時機？

易方資本副基金經理王逸研指，唔少大行都認為IBM股價開始回調，可以考慮撈底，但佢認為，IBM及大部分AI股仍未跌完，原因係股價係由每股盈餘(EPS)乘市盈率(PE)組成，依家市場對AI有恐慌會令PE大縮水，另一方面，當AI未來開始進入其他公司，會令IBM收入及盈利減少，到時EPS及PE就會一齊縮，所以認為股價仍有下行空間，因此，依家未係撈底嘅好時機。