【期匯決算】金銀價再爆升機會微

【Now財經台】美國統特朗普(Donald Trump)公布關稅Plan B，加上地緣政局及人工智能(AI)代理嘅憂慮發酵，市場避險情緒急升溫，資金除湧入美債，亦再度泊入貴金屬避險，刺激金價一度重上每盎司5200美元，白銀就迫近90美元水平，今輪避險需求係咪好大？

獨立外匯商品分析師譚家康指，雖然近期金價及銀價向上，但唔認為呢輪升勢會持續好耐，如果睇返期貨倉位，特尤其係黃金，期貨倉位按年已跌咗近30%，反映做金價中長線上升部署嘅資金已食糊離場，再出現今年1月咁強勁嘅升勢機會相對較細。

Pierce又話，睇返基本面，地緣政治因素或AI代理問題，由呢啲事件引發嘅金價及銀價升幅都唔會好大，估計暫時未必會出現大型升浪，反而有機會喺高位整固。