【環球金融快線】亂買M7都贏錢日子已過

【Now財經台】踏入2026年，曾經係美股升市火車頭嘅科技七雄(Magnificent 7)表現似乎相對失色，今年以嚟已累跌約5%，有貨嘅投資者係咪仲要「死攬M7唔放」？

獨立市場策略師陳俊文表示，過往投資者合埋眼買M7，就可以贏錢嘅日子已經過去，依家投資者需要更選擇性去揀股。佢又指，雖然M7作為一個整體，長遠前景仍被睇好，但佢認為唔需要執著於要買齊7隻股份，因為喺唔同時間，7隻股份嘅股價表現亦唔同。

Norman又話，M7今年仍跑輸大市，亦有機會跑輸埋標指，佢認為，如果仲想部署M7，可以考慮只買入當中3至4隻，唔好買齊7隻股份。