【名家給力場】美股呢浸揀股「唔肯跌」就入手

【Now財經台】美國最高法院裁決關稅違法後，美股3大指數上周五(20日)因為總統特朗普(Donald Trump)再出Plan B，即升少一大截，主要係市場擔心後續嘅不確定性。美股昨晚(23日)大冧，其中，道指收市瀉逾800點，市場反應係咪比預期大，現時嘅投資氣氛係咪都麻麻？

資深投資者莫家強指，如果純粹睇指數，美股唔算跌得好犀利，但有啲股票係跌到散晒，其實個幾月前個別已經好似跌到冇底咁，例如微軟(Microsoft)，但近期已經喘定。至於關稅方面，市場最怕就係不確定性，如果講得清楚，只要計到數，跌到咁上下啲錢又會入返嚟，佢又話，如果投資者見到即使咁多麻煩嘢，但如果美股仍算硬淨，只要特朗普喺某個時候突然收一收手，個市就會升返上去。

Alex又提醒，可以留意一啲「唔肯跌」嘅股份，因為特朗普唔係一面倒做淡，去到低突然傳嚟好消息，到時就係買好時機。至於新關稅會利好及利淡邊啲股份，佢認為...