【名家給力場】協合新能源股價短期難翻身

【Now財經台】協合新能源(00182)發盈警，預期去年少賺逾80%，公司都有解畫，盈利大幅倒退原因包括風力及太陽光不可控、政府補貼問題等，股價一度重挫逾8%，低見0.31元，點睇公司前景？

《香港股票財技密碼》作者梁杰文指，公司業績走樣涉及好多因素，如果股價睇長少少，其實已遠遠落後於大市，協合新能源股價過去2年由高位跌咗落黎，之後一直喺低位徘徊，估計短期都好難扭轉劣勢。

Mike又話，內地光伏行業基於政府補貼嘅考慮，唔少相關企業蜂擁建立新發電站，導致惡性競爭、供過於求，令行業賺唔到錢。佢續指，雖然公司發咗盈警，但其實去年仍有錢賺，只係市場擔心股價今年可能會再跌一浸，同埋有由盈轉虧嘅風險。