【期匯決算】金價整體趨勢仍向好

【Now財經台】現貨金價重上每盎司5000美元，金價1月下旬喺歷史高位大幅下滑後，一直陷入拉鋸局面，高盛最新報告提及，環球央行增持黃金嘅力度，喺去年12月減弱，但估計金價回穩後，央行會再買入黃金，到底金價回穩未？

獨立外匯商品分析師譚家康指，金價喺1月27日急插，主要係市場炒作，認為下任聯儲局主席沃什(Kevin Warsh)偏鷹派，借勢平好倉，令金價一度跌穿4600美元。

Pierce又話，金價本身嘅利好因素仍然存在，例如美伊問題仍未解決，地緣政治因素會繼續支持金價走勢。不過，佢提醒，睇返美國商品期貨交易委員會(CFTC)嘅報告，對冲基金嘅黃金長倉少咗好多，回落到2023年水平，若金價跌穿4850美元，甚至4600美元嘅期金重倉位，到時可能會出現一個較深嘅調整，暫時仍處於待變格局，但整體趨勢仍向好，只要守得住關鍵位，走勢應該會向好。