【槓桿致勝】美團博反彈宜揀短身CALL

【Now財經台】美團(03690)上周五(13日)發盈警，預期去年轉蝕最多243億人仔，又估計今季繼續「見紅」，股價今日(16日)再創52周新低，一度挫3.5%，低見79.25元，美團好倉有資金追捧，有逾4000萬元好倉資金坐貨，而唔少牛證槓桿都做到10倍以上，博反彈揀CALL還是牛證比較好？

中銀國際證券衍生產品部董事朱紅指，美團股價弱勢，1月至今由105元水平跌到80元水平，加上集團預期今季繼續要蝕錢，唔少投資者想博反彈。

Niki續指，牛證及CALL都可以考慮，但前者有收回風險，不宜揀較長身嘅條款，CALL方面，投資者可以考慮行使價約98元，今年8月到期，實際槓桿5倍嘅條款。