【環球金融快線】亞股上半年繼續跑贏美股？

【Now財經台】以MXAP，即是MSCI全亞太指數來計，與美國標普500指數做對比，截至周三(11日)收市止，已大幅跑贏標指逾10個百分點，錄得有紀錄以嚟最大幅度。過去25年，MXAP與標指各自有大約一半時間跑贏對方。展望2026年，亞洲股市跑贏美股嘅趨勢仲可以持續幾耐？買指數係咪好過買龍頭股？

獨立分析師黃耀宗認為，亞股今年上半年仍有機會跑贏美股，但仍要睇實利好因素嘅變化，包括美元走勢、地緣政局及估值變化等。

至於買指數還是買龍頭股，佢指出，要視乎投資者貼市程度，例如台積電(TSMC)及SK海力士(SK Hynix)都屬於周期性股份，遇上人工智能(AI)熱潮帶挈股價愈升愈有。