【名家給力場】「新股通」要摸著石頭過河？

【Now財經台】財政司司長陳茂波將會喺2月25日發表新一份《財政預算案》，有唔少專業及金融界別都希望政府可以同內地探討落實「新股通」，容許內地機構投資者抽香港新股，進一步促進內地與香港互聯互通，點睇「新股通」對港股嘅影響？

房委會資助房屋小組前主席黃遠輝表示，雖然新股多更易推高整體市場市值及成交，但成交亦取決於可投資嘅資金金額，太多新股有可能會溝淡咗每隻新股嘅成交，例如10隻新股可能帶嚟10億元成交，但20隻新股會唔會有20億成交，就取決於市場上有冇20億元可投資嘅資金。

佢又認為，「新股通」有機會帶動額外資金進入市場，但暫時仍需「摸著石頭過河」，要睇新股質素之餘，亦要睇有冇足夠吸引力，吸引海外資金投資港股。