【環球金融快線】下一波被AI取代高危行業

【Now財經台】科技型財富平台Altruis喺旗下Hazel平台，推出由人工智能(AI)驅動嘅稅務規劃工具，除咗可以分析客戶糧單、帳戶紀錄及過往嘅報稅表等，亦可以為用戶整合稅務及投資策略，受AI衝擊，軟件及金融服務相關股被掟散後，邊啲行業相關股份會成為新一輪拋售對象？

資深經濟師羅家聰指，法律、會計等操作性較高嘅行業必會受AI影響，但不致於令整個行業覆滅，相信龍頭企業會係「生還者」。

KC又話，當大家都擁有同樣嘅工具時，市場係無法「養活」行業所有公司，行業會逐漸向大企業靠攏，例如資金及人才等資源，都會向大企業傾斜。佢提醒，對非一線企業嚟講，會面臨好大嘅被淘汰危機。