【名家給力場】「兩會」唔會出大招撐內房？

【Now財經台】喺「十五五」規劃下，《彭博》預期，今年高技術及綠色產業喺國內生產總值(GDP)嘅佔比約20%，首度超越內房嘅約18%，反映內地經濟結構可能出現轉變，「兩會」將會喺下月召開，內房政策會唔會相應作出調整？

廣東省地產商會副會長尹德輝認為，喺發展商嘅角度，「兩會」唔會有重大扶持政策，因為中央唔想地產出現泡沫，但認為「兩會」會出招減輕市民買樓負擔，同埋喺稅務優惠方面幫下發展商。

佢續指，之前「兩會」提及嘅「三條紅線」已經冇咗，估計未來唔會再有呢類負面嘅嘢出現。尹德輝又指，地產係值得投資嘅板塊，因為始終有需求。