【環球金融快線】家底厚Alphabet發債有後著

【Now財經台】Google母公司Alphabet喺周一(9日)發行200億美元企業債券，年期由3年至40年，依家公司債務比率僅12%，屬於非常健康水平，經營現金高達1640億美元，Alphabet坐擁強勁現金流，點解仲要向外大幅舉債？

易方資本副基金經理王逸研指，相信Alphabet主要想趁市旺，提前攞定啲現金，一旦市場風向逆轉，公司就有充足彈藥支應付未來幾年嘅開支。

佢又話，科企嘅資本開支大幅上升，其中，4大雲端服務供應商(CSP)大增50%至1倍，相信呢個趨勢會持續1至2年，而發債後一級市場配售反應熱烈，亦為Alphabet鎖定咗較優惠嘅融資條件。