【期匯決算】等埋呢兩個數據再做黃金部署

【Now財經台】美國即將公布1月非農就業數據及消費物價指數(CPI)，市場觀望氣氛濃厚，金價近期反彈係咪真轉勢？美元回軟對金價嘅支持仲有幾大？

1uptick Analytics首席分析師杜浩霆指，金價上周五(6日)開始反彈，除受惠於地緣政治避險情緒，更重要嘅推手係弱美元，自上周五起，有消息指中國政府勸喻國內金融機構減持美債，導致美匯指數下跌，金價隨即借勢反彈。

Perry又話，今個星期市場焦點集中喺非農就業數據及CPI，由於市場暫時預期較樂觀，抑制咗金價反彈幅度，不過，一旦數據差過市場預期，估計金價會迅速升穿每盎司5200美元。

Perry又估計，美匯指數仍有下跌空間，為金價反彈提供動力，金價短期阻力睇5100美元，建議投資者先做短線操作，等非農及CPI數據出爐後再做部署。