【名家給力場】美股牛市完未Fact Check

【Now財經台】雖然道指再破頂，但資金流向似乎出現微妙變化，早前強勢嘅科技股，部分表現走樣，反而傳統工業股、食品股近期升得靚，係咪反映牛市已屆尾聲？

資深投資者莫家強表示，牛市仲未完結，資金仍然喺市場積極搵緊投資機會，雖然部分科技股近期表現較差，甚至有軟件股被抛售，但資金仲未流出市場，只係轉投其他板塊，係板塊輪動。佢又指，當一類股票下跌，由另一類股票接力上升時，意味市場廣度仍然健康，投資者唔使睇得太悲觀。

不過，Alex提醒，部分股票可能已見咗高位，唔係純粹因估值過高，而係因為人工智能(AI)浪潮最恐怖之處在於「破壞性創新」，例如只要提供1個指令比AI，AI就可以輕鬆製作出1個軟件，客戶唔需要再購買相關軟件服務，導致過往唔少好賺錢嘅商業模式，可能一夜之間被AI取代，變得一文不值，甚至有倒閉風險。