【期匯決算】Yen點行要睇高市幾時出手

【Now財經台】日本首相高市早苗早前解散眾議院舉行大選，呢場政治豪賭最終贏咗，令「高市交易」重臨，日本股市今早(9日)大升，收市飆逾2000點，突破56000關，日圓見156.3水平，進一步遠離干預水平，即158至162水平，日圓未來會點走？

ATFX亞太區首席分析師林銘添指，高市嘅政策主要係刺激經濟，尤其係豁免食品消費稅可帶旺經濟，吸引外國遊客，令更多資金流入日本，日圓暫時唔算好強勢，但有機會挑戰158至160水平，但要視乎高市幾時宣布推出相關政策。

Martin又指，美國本周會公布非農新增職位數據，美元走向必定影響日圓匯價，市場暫時預期數據會向好，若美元偏強，日圓或會喺156至158波動。