【期匯決算】銀價再破底唔出奇

【Now財經台】白銀及比特幣(Bitcoin)今日(5日)被拋售，前者更破底，但金價重上每盎司4900美元水平。如果白銀企唔穩74美元至76美元呢個支持位，會唔會觸發新一輪去槓桿再破底？

獨立外匯商品分析師譚家康指，白銀再破底唔出奇，留意到銀價過去1個月，喺74美元至76美元上方都冇乜成交，再升上去係冇阻力，但如果依家跌落去，之前重倉位置就會調整得較深。佢又話，銀價去年第4季開始一直升得比較急，所以調幅度有機會較大，一旦失守74美元，可能要下試68美元水平。