【名家給力場】沃什唔會太聽特朗普話？

【Now財經台】美國總統特朗普(Donald Trump)正式提名聯儲局前理事沃什(Kevin Warsh)接任聯儲局主席，消息一出，美元應聲反彈，金價及銀價就急挫，點睇沃什接掌聯儲局？佢上任之後會唔會令市場嘅減息憧憬降溫？

資深銀行家劉卓衡認為，可以分兩方面睇，首先，金銀銅嘅炒作已去到非理性嘅地步，由於沃什屬鷹派，認為過度寬鬆嘅貨幣政策會引發通脹，因此，提名消息一出，投資者第一個反應就係沽貨。

不過，沃什相對其他熱門人選有較大獨立性，所以金融界反應正面，反觀其他人選就太聽特朗普話，會令金融界有憂慮。佢又指，睇返沃什背景，除過往嘅經驗，亦做過聯儲局理事，所以大部分金融界人士都受落。