【期匯決算】農曆年前銅價點行？

【Now財經台】貴金屬價格反彈，今日(3日)工業用銅價格都跟倫敦金屬交易所(LME)3個月期銅彈2%，上返每噸13000美元樓上，其他基本金屬都跟升，銅價自上周四(1月29日)紀錄高位回落11%後，即時吸引中國銅工廠逢低買銅，趁機補充庫存，點睇呢個操作？銅價短線會點走？

1uptick Analytics首席分析師杜浩霆指，農曆新年前中國廠商已開始收爐，通常呢個時間買盤較靜，但呢幾日銅價一直跌，中國買家就即刻入市，反映佢哋覺得銅中長線供應會短缺，但估計銅價未來兩周未必會衝得太高。

Perry又指，短線嚟講，美國銅價關鍵阻力喺每磅6美元，LME方面，相信13000美元會有支持，短線可撈一撈，睇下可唔可捕捉到短線反彈機會。