【智識賺】Palantir靚績可谷高估值？

【Now財經台】人工智能(AI)大數據巨企Palantir(PLTR.US)出咗去年第4季業績，收入按年大升70%，超預期，每股盈利25美仙，亦好過預期，經調整利潤率升至32%，點睇呢份業績？呢份季績可唔可以說服到市場給予Palantir更高估值？

易方資本投資組合經理王逸研指，雖然Palantir估值跌咗30%，但其他指標都高過傳統軟件公司及軟件即服務(SaaS)公司，例如市售率(EV/Sales)及企業價值倍數(EV/EDITDA)，關鍵在於SaaS公司可以透過裁減人手同步減省軟件開支，因為一個人對應一份軟件，但Palantir目標係做服務高層員工嘅企業操作系統，由於好多公司都有呢方面嘅需求，所以好難削減呢方面嘅開支。