【中國建設銀行(亞洲) 呈獻:息賺】高息股冧價想執平貨點揀？

【Now財經台】港股喺2月開局出師不利，恒生指數一度急瀉逾800點，股份方面，3大中資電訊股今日(2日)跌到一仆一碌，主要本地地產股跌幅都普遍跌3%，高息股今日急挫，如果想投資呢類股份應該點部署？

獨立市場策略師何啟聰指，中資電訊股之前已出現提前沽空嘅情況，但今日加增值稅消息一出，即有平倉活動，3隻中資電訊股之中，以中國移動(00941)跌幅較小，若投資者想做收息配置，可以考慮中移動，因為加增值稅對集團息率及派息影響相對較少。

本地地產股方面，Ivan認為，投資呢類股份要視乎投資者，想買入較進取嘅地產發展商股，還是較保守嘅收租股，如果係後者，就要留意公司旗下物業位置，例如商場嘅位置。