【期匯決算】現價沽金好危險？

【Now財經台】金價繼續破頂之旅，今日(29日)一度高見每盎司5595美元，進一步迫近5600美元，除伊朗局勢，市場估計，美國聯儲局新主席人選未來1個星期就會揭盅，預期係一個偏鴿人選，呢啲因素都進一步推升金價，但依家RSI已上到91水平，係咪要考慮沽金？

獨立外匯商品分析師譚家康指，現水平沽金好危險，聯儲局主席鮑威爾(Jerome Powell)昨日(28日)指出，未來減息步伐會偏慢，但仍無助扭轉美元弱勢，以及無阻金價升勢。佢又話，由於美國總統特朗普(Donald Trump)表明向伊朗極限施壓，對付伊朗政權，所以即使RSI超賣，都唔好喺現階段沽金。